Hedabideentzako deialdia • 2024ko otsailaren 28a

Gazteek politika nola ikusten eta igartzen duten aztertuko du «Euskadi Think Next» ekimenak

•    EAJ-PNV alderdiak eta Sabino Arana Fundazioak abian jarritako berrikuntza politikoaren laborategiaren topaldia berria izango da datorren asteazkenean, otsailaren 28an, 11:00etatik 13:30era, Fundazioaren egoitzan.
•    Ekitaldia zuzenean eskainiko da Facebook Live saretik (www.facebook.com/sabinoaranafundazioa), Sabino Arana Fundazioaren YouTubeko kontutik (www.youtube.com/agiritegi) eta EAJ-PNV alderdiaren webgunetik (www.eaj-pnv.eus).

Gazteak politikan
  • 2024ko otsailaren 28a, asteazkena
  • 11:00h -(e)tik 13:30h -(e)tara
  • Sabino Arana Fundazioa

Hizlariak:
Julen Karrion. Muruetako alkatea (Bizkaia).
Marta Rosique i Saltor. Kazetaria, politologoa  eta Diputatuen Kongresuko diputatu ohia.
Egoitz Etxeandia. Irakaskuntzako Ekintzailetzaren Sari Nazionalaren irabazlea  eta STEAM proiektuaren aholkulari arduraduna Teach For All komunitatean eta Harvard University-n.

Aurkezleak:
Xabier Barandiaran, EAJ-PNV alderdiaren Berrikuntza Politikoaren Arloko arduraduna eta «Euskadi Think Next» ekimenaren zuzendaria.
Mireia Zarate, Sabino Arana Fundazioaren presidentea eta EAJ-PNV alderdiaren EBBko idazkaria.

«Gazteak politikan, arnas berria demokraziarentzat?» izenburuaren ildoan, beste topaldi bat egingo da «Euskadi Think Next» ekimenari atxikitako berrikuntza politikoaren laborategiaren kariaz. EAJ-PNV alderdiak eta Sabino Arana Fundazioak abian jarri dute esandako ekimena Euskadiko egungo eta etorkizuneko erronkei ekiteko euskal gizartearekin batera.

Jardunaldia datorren asteazkenean egingo da, hilaren 28an, 11:00etatik 13:30era, Sabino Arana Fundazioaren egoitzan (Moraza plaza, z/g. Bilba). Ondoko hizlariek parte hartuko dute topaldian: Julen Karrion, Muruetako alkatea (Bizkaia); Marta Rosique i Saltor, kazetaria, politologoa eta Diputatuen Kongresuko diputatu ohia; eta Egoitz Etxeandia, Irakaskuntzako Ekintzailetzaren Sari Nazionalaren irabazlea eta STEAM proiektuaren aholkulari arduraduna Teach For All komunitatean eta Harvard University-n.

Jardunaldiaren helburua da, politikaren eremuan, gazteen egungo iritzia zein den aztertzea, eta gazteek politika ikusteko eta igartzeko modua zein den argitzen saiatzea.
Xabier Barandiaranek, EAJ-PNV alderdiaren Berrikuntza Politikoaren Arloko arduradun eta «Euskadi Think Next» ekimenaren zuzendariak, eta Mireia Zaratek, Sabino Arana Fundazioaren presidente eta EAJ-PNV alderdiaren EBBko idazkariak, jardunaldia aurkeztuko dute.