Efemeridea • 2022ko azaroaren 25a

1903ko azaroaren 25ean, Sabino Arana Goiri hil zen.

Euzko Alderdi Jeltzalearen (EAJ-PNV) sortzailea eta euskal abertzaletasunaren lehen buruzagia 1903ko azaroaren 25ean hil zen.

Arana Goiri'tar Sabin

Datorren igandean, hilak 27 dituela, urtero bezala, haren omenezko ekitaldia egingo da Sukarrietako hilerrian. Lore-eskaintza egingo da eta meza eskainiko da. Omenaldiari amaiera emateko, Andoni Ortuzar EAJ alderdiaren EBBko buruak hitzaldi politikoa emango du. 
Argazkian, EAJ-PNV alderdiko kide eta jarraitzaile ugari, Sabino Aranaren heriotzaren 92. urteurrenean, Sukarrietan. 
Luis de Gezalak, 2009ko azaroaren 28an, DEIA egunkariaren Historias vascas sailean argitaratutako «Sabino, el inventor» (Sabino asmatzailea) izenburuko erreportajea erantsi diogu artikuluari. Bertan gogorarazten da Aranak ikurrina sortu zuela, Euzkadi hitza sortu zuela, ereserkia idatzi eta EAJ alderdia sortu zuela. Aitzitik, Aranaren aurkariek diotenaren aurka, ez zuen ez euskara, ezta euskaldunen herria ere asmatu: mende batzuk lehenago ere baziren horiek.