Efemeridea • 2023ko apirilaren 5a

Apirilak 5, Manu Egileor Orueta Ikasle-ren heriotzaren 53. urteurrena da.

Abandon (Bilbao) jaio zen, 1884ko urtarrilaren 1ean; ingeniari lan egin zuen eta ekintzaile politiko, kultural eta abertzale esanguratsua izan zen.

Manu Egileor.

Bilboko Euzko Gaztediren sortzaile eta presidentea, Durangoko diputatua, Amurrioko alkatea eta Bizkai Buru Batzarreko (BBB) eta Euskal Eskolen Federazioko Zuzendaritza Batzordeko kidea izan zen.

Euskarazko idazle emankorra izan zen, eta idazkietako asko “ikasle” ezizenarekin sinatu zituen hainbat argitalpen abertzaletan, hala nola “Bizkaitarra”, “Gipuzkoarra” eta, geroago, “Euzkadi” egunkarietan. Era berean, “Aberri” egunkariaren sortzaile eta lehen zuzendaria izan zen, “Bizkaya por su independencia” lana berrargitaratzen lagundu zuen eta “De su alma y de su pluma” lanaren hautapena prestatu zuen.

Gerran, 1937an, Iparraldera erbesteratu zen, eta handik gutxira EAJ alderdiaren Baionako bulegoetan hasi zen lanean. 1940an, Irlandara joan zen eta bertan bizi izan zen 1946. urtera arte.

Urte horretan, Iparraldera itzuli zen, EAJren Idazkaritza Nagusiaren sorreraren kariaz. Han egon zen 1948ra arte, eta urte horretan Bilbora itzuli zen. 1970eko apirilaren 5ean hil zen, Bizkaiko hiriburuan, 86 urte zituela.

Manu Egileor  “Arana Goiri 'tar Sabin en la historia de Euzkadi” liburuaren egilea da, eta “Marcos de Uriarte” ezizena erabiliz sinatu zuen. Era berean, “Obras completas de Sabino Arana” liburuaren hitzaurrea idatzi zuen.