Efemeridea • 2023ko urtarrilaren 30a

Jean Pierre Duvoisin, idazlea eta euskararen itzultzailea

Gaurkoa lako egun batean, 1891ko urtarrilaren 30ean, hain zuzen ere, 81 urte zituela hil zen Jean Pierre Duvoisin idazle lapurtarra.

Jean Pierre Duvoisin

Ainhoan jaio zen, 1810ean, eta idazten nahiz beste lan batzuk euskarara itzultzen eman zuen bizitza. Lapurdiko euskarara itzuli zituen lan guztien artean, bi aipatuko ditugu: Agustin Kardaberazen «Aita San Ignacioren Egercicioen gañean afectoac» eta Biblia, «Bible Saindua edo Testament zahar eta berria. Duvoisin kapitainak latinezko Bulgatatik leembiziko aldizko Laphurdiko eskarara itzulia. Luis Luziano Bonaparte Printzeak argitara emana».