Efemeridea • 2021ko otsailaren 3a
Sabino Arana, Resurreccion Maria Azkue eta “Vizcaytik Bizkaira” zarzuelaren estreinaldia.
Gaurkoa lako egun batean, 1895eko otsailaren 3an, Euzkeldun Batzokijak R.M. Azkue omendu zuen.
![Sabino Arana, Resurreccion Maria Azkue eta “Vizcaytik Bizkaira” zarzuelaren estreinaldia.](https://www.sabinoarana.eus/storage/story-event/es/default/sabino-de-arana-resurreccion-maria-de-azkue-y-el-estreno-de-vizcaytik-bizkaira.jpg?1649322248)
1895eko otsailaren 3an, Euzkeldun Batzokijak Resurreccion Maria Azkueren omenezko oturuntza berezia egin zuen. Aurreko egunean, Azkuek “Vizcaytik Bizkaira” zarzuela estreinatu zuen, garai hartako eragile espainolizatzaileak kritikatzen zituena, besteak beste, maisu-maistrak, eskola nazionala eta soldadutza. Sabino Arana, musika-lan horren estreinaldian ikusle izan zela, hain txunditurik geratu zen, ezen Azkueri omenaldia antolatu zion eta “Bizkaitarra” aldizkariaren bi zenbaki eskaini zizkion, bata, zarzuelaren edukia zehatz-mehatz aztertuta eta, bestea, lanak jaso zituen kritiketatik defendatzeko. Sabino Aranak Resurreccion Maria Azkueri emandako babesa dela eta, gobernuak berriro ere isuna ezarri zion.