Deialdiak

19
Api 2023

“Liburuen txokoa” hitzaldi-ziklo berria

• Sabino Arana Fundazioaren Euskal Abertzaletasunaren Museoak antolatu du ekimena; irakurleak euskal idazleen lanetara hurbiltzeko helburuz, idazleen euren eskutik.
• Apirilaren 19an, asteazkenarekin, 19:00etatik aurrera, Toti Martínez de Lezeak emango dio hasiera zikloari, ‘Idazlearen lanbidea’.

Informazio gehiago

18
Api 2023

EAB 100 urte. Emakumeak Aberria eginez erakusketa Eibarrera dator

Egun horretan bertan, inaugurazioaren ostean, erakusketaren komisarioek “EABko Eibarreko emakumeak, Gipuzkoan lehenengotarikoak” hitzaldia eskainiko dute.

Informazio gehiago

28
Mar 2023

“Picasso presents Gernika” dokumentalaren emanaldia. Filmak 1937ko bonbardaketaren ondorioak eta sarraskiak ekarritako ume iheslarien krisialdia aletzen ditu

• 35 minutuko dokumental honen gidoia Begoña Etxeberria eusko-kaliforniarrak egin du eta Annika Speer-ek, Kaliforniako Unibertsitateko (Riverside) Antzerki, Zinema eta Ekoizpen Digitalaren saileko irakasleak, zuzendu.
• Lanaren jatorrizko bertsioa eskainiko da, ingelesez, gaztelaniazko azpitituluekin, martxoaren 28an, asteartearekin, 19:00etatik aurrera. Annika Speer zuzendariak eta Derek Doyle Bilbon egondako britainiar ohi eta «Basque Children 37 UK» elkarteko kideak parte hartuko dute ekitaldian. Begoña Etxeberria gidoilariak linean parte hartuko du Kaliforniako Riverside herritik.

Informazio gehiago

23
Mar 2023

“EABko emakumeak, Aberriaren aldeko ametsen eroale” hitzaldia

UPV/EHUko Garaian Taldeko Karmele Perez, Begoña Bilbao eta Gurutze Ezkurdia irakasle eta ikertzaileek Irungo Emakume Abertzale Batzaren (EAB) sorrera eta garapena aztertuko dituzte datorren ostegunean, martxoaren 23an, Irunen. Hitzaldia iDEIAlekun izango da, 19:00etan.

Informazio gehiago

22
Mar 2023

Oreki Fundazioak eta Sabino Arana Fundazioak jardunaldi bat antolatu dute kultura demokratikoari buruz hausnartzeko, subiranotasunaren bidetik abiatuta

• Unibertsitate-, kultura- eta enpresa-arloko ordezkariek parte hartuko dute asteazken honetan, martxoaren 22an, 9:30etik 13:30era, Sabino Arana Fundazioaren egoitzan egingo den ekitaldian.
• Iñaki Goiogana historialariaren eta Xabier Barandiaran soziologo eta EAJ-PNV alderdiaren EBBko eta Berrikuntza Politikoaren arduradunaren hitzaldiak entzun ostean, bost lan-mahaik eztabaidatuko dute proposatzen diren helburuen inguruan.

Informazio gehiago

17
Mar 2023

Euskadi jasangarri, inklusibo eta lehiakorraren alde

• Ivan Martenek eta Fernando Tempranok ingurumenaren gaineko eragina murrizteko aurrean ditugun erronkei helduko diete Sabino Arana Fundazioan.
• Martxoaren 17an, ostiralarekin, 17:30etik aurrera, «Euskadin gertatu diren eraldaketa handiak» zikloaren barruan. Sarrera librea. Ekitaldian parte hartzeko baieztapena hemen: 94.405.64.50 | idazkaritza@sabinoarana.eus.

Informazio gehiago

17
Mar 2023

“EAB 100 urte. Emakumeak Aberria eginez” erakusketa Irunera ekarriko du GAURKO ANDREAK Berdintasunaren Aldeko Elkarteak

GAURKO ANDREAK Berdintasunaren Aldeko Elkarteak, Irungo EAJ-PNV alderdiarekin eta Sabino Arana Fundazioaren Abertzaletasunaren Museoarekin lankidetzan, “EAB 100 urte. Emakumeak Aberria eginez” erakusketa inauguratuko dute martxoaren 17an, ostiralarekin, arratsaldeko 7etan, iDEIAlekun (Colon pasealekua, 27. Luis Mariano, Turismo bulegoaren aurrean).

Informazio gehiago

02
Mar 2023

Patxi Agirre Arrizabalaga historialariak «Manuel Irujo: cristiano, demócrata y vasco» liburua aurkeztuko du Sabino Arana Fundazioan

• Martxoaren 2an, ostegunarekin, 19:00etatik aurrera.
• Honako liburu hau egilearen «El hecho religioso en la vida política de Manuel Irujo» doktoretza-tesiaren emaitza da. Agirrek bikain ‘cum laude’ atera zuen tesian.

Informazio gehiago

23
Ots 2023

Hondarribiko EAJk eta Sabino Arana Fundazioak gudarien komandante Kandido Sasetaren oroimen eta omenezko ekitaldia egingo dute Sasetaren heriotzaren 86. urteurrenean

Datorren ostegunean, otsailaren 23an, Gorka Ortega eta Koldo Ortega ikertzaileek «Kandido Saseta bizitza Euskadiren zerbitzura emana» deritzon hitzaldia emango dute Hondarribiko Karlos V.a paradorearen areto nagusian, arratsaldeko 19:00etatik aurrera.

Informazio gehiago