Hedabideentzako deialdia • 2025ko urtarrilaren 23a

Imanol Pradales Lehendakariak buru jardungo du 2024ko Sabino Arana Sarien kultura-ekitaldian

EKITALDIA IGANDE HONETAN IZANGO DA, URTARRILAREN 26an, EGUERDIKO 12etan, BILBOKO ARRIAGA ANTZOKIAN. NORNAHI SAR DAITEKE, ANTZOKIAREN

EDUKIA BETE ARTE. EKITALDIA STREAMING BIDEZ ERE ESKAINIKO DA ZUZENEAN, SABINO ARANA FUNDAZIOAREN WEBGUNETIK: www.sabinoarana.eus

2024ko Sabino Arana Sariak

Eusko Jaurlaritzako Lehendakariak, Imanol Pradales jaunak, buru jardungo du igande honetan, urtarrilak 26 dituela, 2024ko Sabino Arana Sarien banaketa-ekitaldian. Saioa 12etan hasiko da, Bilboko Arriaga antzokian, eta XXXVI. edizio honetan, ondokoek jasoko dute saria: Iñigo Urkullu Lehendakaria; Jean-Claude Larronde abokatua eta historialaria; En Tol Sarmiento-ETS musika-taldea; Emakumeen Salerosketaren aurka borrokatzeko Ekintza Taldeari atxikita dagoen Las Poderosas emakume-taldea; Leopoldo Martínez abokatu eta politikari venezuelarra; Javier Iruretagoiena «Jabo Irureta» futbol-jokalari eta -entrenatzailea; eta Stéphane Séjourné, Europako Batzordeko Oparotasuna eta Industria Estrategia sustatzeko presidenteorde exekutiboa.

Las Poderosas taldearen izenean, Joy Ogbeide, Lydia Osifo Festus, Grace Ogbeifun, Vivian Dickson eta Favour Robertsek jasoko dute saria.

ETS taldea ordezkatuz, Iñigo Etxezarretak jasoko du saria.

Sariak banatzeko ekitaldian, Sabino Arana Fundazioaren presidenteak, Mireia Zaratek, Fundazioaren Patronatuko kideak izango ditu ondoan, hain zuzen ere, honako hauek: Koro Garmendia, Daniel Camblong, Miren Azkarate, Asier Barandiaran, Ignacio Etxeberria, Aitor Alzola, Ainara Zelaia eta Mikel Hidalgo.

Pradales Lehendakariaz gain, kultura, politika eta gizarte esparruetako agintari eta pertsona esanguratsu ugarik baieztatu egin dute ekitaldian izango direna, bai eta kultura, unibertsitate, kirol eta hedabideen esparruetako ordezkari anitzek ere.

Ekitaldian izango dira, besteak beste, EAJ-PNV alderdiaren Euzkadi Buru Batzarreko presidentea, Andoni Ortuzar; Bilboko alkatea, Juan Mª Aburto; Bizkaiko ahaldun nagusia, Elixabete Etxanobe; Nafarroako Parlamentuko presidentea, Unai Hualde; EAJ-PNV alderdiaren Bizkai Buru Batzarreko presidentea, Iñigo Ansola; Venezuelako kontsula, Glena Cabello; Petronorreko presidentea, Emiliano López Atxurra; Repsol konpainiako ordezkari Josu Jon Imaz; Juan Mª Atutxa, Javier Clemente, Manolo Delgado, Ana Urquijo, Kepa Junkera, Deustuko Unibertsitateko errektorea, Juan José Etxeberria; Mondragon Unibertsitateko errektora, Vicente Atxa; EUDELeko burua, Esther Apraiz; Miguel Zugaza, Bilboko Arte Ederren Museoaren zuzendaria…

Bertaratzeko asmoa berretsi duten beste erakunde-ordezkari batzuk honako hauek ditugu: Eusko Legebiltzarreko lehendakaria, Bakartxo Tejeria; eta Bizkaiko Batzar Nagusietako burua, Ana Otadui; EAJ-PNV alderdiaren bozeranaileak Diputatuen Kongresuan eta Senatuan, Aitor Esteban eta Estefanía Beltrán de Heredia, hurrenez hurren; Europako Parlamentuko kide Oihane Agirregoitia; lehen lehendakariorde eta Kultura eta Jizkuntza Politikako sailburu Ibone Bengoetxea; Ogasun eta Finantza sailburu Noël Dánjou; Segurtasun sailburua, Bingen Zupiria; Ongizate, Gazteria eta Erronka Demografikoaren sailburua, Nerea Melgosa; Osasun sailburua, Alberto Martínez; Gobernantza, Administrazio Digital eta Autogobernuaren sailburu María Ubarretxena; Elikadura Landa Garapen, Nekazaritza eta Arrantzaren sailburu Amaia Barredo eta abar.

Jon Uriartek eta Ainhoa Larrazabalek gidatuko du ekitaldia eta Eñaut Elorrietak girotuko.

• Erredaktoreek eta TB kamerek lekua gordeta izango dute bigarren solairuan, plateako bikoitietan.
• Argazkilariek, berriz, bigarren solairuan, eszenaurreko bikoitietan (oholtzaren aurrean).

Arriaga antzokira etortzerik ez daukan orok zuzenean ikusi ahalko du 2024ko Sabino Arana Sarien ekitaldia streaming bidez, Sabino Arana Fundazioaren webgunean sartuta: www.sabinoarana.eus.