Prentsa oharra • 2020ko abenduaren 15a

HITZALDI ZIKLOA ZAHARTZE AKTIBOA: “Mendekotasuna izateak ez du gure bizitza gobernatzea eragozten. Gure zainketak prestatzen”, Lourdes Zurbanobeaskoetxearen eskutik

Ostegun honetan, abenduaren 17an, 19:00etatik aurrera izango da Fundazioaren egoitzan

HITZALDI ZIKLOA ZAHARTZE AKTIBOA: “Mendekotasuna izateak ez du gure bizitza gobernatzea eragozten. Gure zainketak prestatzen”, Lourdes Zurbanobeaskoetxearen eskutik

Bilbo, 2020ko abenduaren 15a. Sabino Arana Fundazioaren Prentsa Bulegoa.

Lourdes Zurbanobeaskoetxea medikuak eta Bizkaiko Foru Aldundiko Balorazio eta Orientazio Zerbitzuko buruak amaiera emango dio Helduak Elkarteak Sabino Arana Fundazioarekin batera zahartze aktiboari buruz antolatu duen hitzaldi-zikloari, “Mendekotasuna izateak ez du gure bizitza gobernatzea eragozten. Gure zainketak prestatzen” izenburuaren ildo hitzaldia eskainita. Hitzaldia ostegun honetan izango da, abenduaren 17an, 19:00etatik aurrera, Fundazioaren egoitzan.

Hitzaldian, gerontologian aditua den Zurbanobeaskoetxeak mendekotasunaren eta pertsonen arteko lotura aztertuko du, elkarren mendeko izaki eta ezgauza garen pertsonaren ikuspegitik. Era berean, pertsona orok zaindu eta duintasunez, bizi-proiektu baten arabera, zaintzeko duen beharraz nahiz eskubideaz jardungo du; autonomia-mendekotasuna (autonomiaren garapena gaitasunen ikuspegitik) aletuko du, eta geroari aurrea hartuta nahi ditugun zainketak planifikatuz, gure bizi-proiektua aurrera eramateko aukeraz hitz egingo digu.

 

Lourdes Zurbanobeaskoetxearen CVa

Medikuntza eta Kirurgiako lizentziaduna. Bartzelonako Unibertsitateko Gizarte Gerontologia Aplikatuko masterduna, eta Madrilgo Unibertsitate Konplutentseko Bioetikako masterduna.

Gaur egun, Bizkaiko Foru Aldundiko Balorazio eta Orientazio Zerbitzuko burua eta koordinatzaile soziosanitarioa da.

Bizkaiko Esku-hartze Sozialerako Etika Batzordeko eta Euskadiko Etika Batzordeen Batzorde Soziosanitarioko burua.

EHUko eta Deustuko Unibertsitateko hainbat graduondoko irakasle laguntzailea, betiere adinekoekin, mendekotasunarekin eta desgaitasunarekin, arreta soziosanitarioarekin eta bioetikoarekin lotutako gaietan.

 

Sarrera librea eta doakoa edukiera bete arte, osasun-agintariek ezarritako segurtasun-eta higiene-araudiak errespetatuz. Nahitaezkoa da parte-hartzea baieztatzea.
Hitzaldia streaming edo bideo bidez ere jarraitu ahal izango da, Sabino Arana Fundazioaren webgunetik: www.sabinoarana.eus.